تقييم لأجل النمو

جينا انهارده نحكى حكايه جميله
عن بنت اسمها وشكلها جميــله
لكن كانت فى ذهنها عليلـــــــــه
سمعت فى يوم عن اجتماع ايمان ونور
كل اللى بيدخله بيكون مسرور
جريت امها تاخدها فى نفس الساعه
قابلت ابونا ومسؤول الجماعه
قالوا لها على ميعاد الاجتماع
جابتها امها من غير امتنـــــــــاع
دخلت الاجتماع لكنها كانت مكسوفه
الكل رحب بيها ولكنها مازالت مرجوفه
قرب منها رائد وجمال وكمان ايمان
رحب بيها سامح ومنال وكمان حنان
لعبم هما قالوا لها تعالى قالت لئه
عملوا هوايه قالوا لها اشتغلى قالت لئه
قالت منال لسامح يعنى دمها تقيل
يلا ياسامح نلاعب سيسيل
هى الفرحه وهى الحركه وفيها خفه الغزلان
مش هى دى الخدمه اننا نخدم الانسان؟
مشى سامح ويا منال للحوش علطول
لعبوا وياها وسابو جميله تقول
ليه انا قاعده وحدى انا غلبانه
هنا وى البيت وحدى ومن الوحده تعبانه
يمكن يوم حد ييجى يكلمنى
ولظروفى ولنفسينى وحياتى يفهمنى
ومرت اسابيع واسابيع وماحدش جانى البيت
وانتظرت اسابيع واسابيع وعماله اقول ياريت
ياريت حد يفضل معايـــــــــــــا
ياريت حد يحس باللى جوايــــــــــــــــا
ياريت حد يزورنى فى البيــــــــــت
ساعتها عمرى ماهاقول ياريت

***

وتعالى نحكى حكايه كمان
واحنا بنخدم الانسان
ايمن ده عليه ألعاب
مش بيتعب ويدور فى كتاب
بالفهلوه والشطاره بيجمع كل الاحباب
وتقوله فين التحضير مايدكش اسباب
شويه العاب مالهاش اساس
العلم فى الراس مش فى الكراس
نلعب شويه بالكوره
وشويه كراسى موسيقيه
ياعم المهم العيال يتبسطوا والرك عالنيه
اللعب مش تعليم وتفهيم
اللعب تخلى العيال فرحانين
يعنى لازم الفهم والتفكير
ياحسره اياك هياخدو الماجستير
مش مهم نعمل عرايس وميم
المهم نخلى العيال فرحانين

***

ونسيب ايمن ونروح لأخلاص
ده خادمه كلها احساس
عليها ترانيم وأغانى وخلاص
كله محفوظ هنا فى الراس
تغنى اغنيه قديمه من زمان
المهم الفقره تعدى فى امان
ونقول تانى كمان وكمان
وايمان مع الهوايات بتعلمنا
بس ياجوجو وانتى ياننه لتعورنا
نعمل احنا بدالكم وفى اخر اللقاء ندهالكم
هديه حلوه من اجتماعكم
هى دى الخدمه الحقيقيه
أنك تشيل المسئوليه
طلعت هوايه حلوه بجد
يعنى تنفع هديه تسد

***

اما منال عليها هوايات
تعبت وجابت كل الحاجات
بس نسيت المقص والسولتيب
ممكن نتصرف زى ماتحب
نو بروبلم ماتعقدهــــــــــــــاش
هتصرف احنا جامدين مايهمناش
وفى الاجتماع داخت عليهم
بعتت يوسف يشتريــــــــهم
لكن يوسف جه بعد اللقاء
معلش ياجماعه تتعوض تانى لقاء

***

تعالوا نشوف مع بعض لقاء الاهل
علشان نتعلم من غير جـــهل
ده فى اولنا قداس بيجمع كل الناس
اهل واخوه واصدقاء
بنعيش بالحب احلى لقاء
ممكن نلغى الشهر ده هو
اصلى ابونا ماجاش من جوه
ييجى ابونا زعلان ومكدر
لازم من قبلها اعرف واتقدر
نلغى القداس عشان نتعلم
ان فى نظام من غير ماتكلم
وتعدى فقره القداس
ونقعد مع كل الناس
الاهل قليلين واحنا مش فاضيين
هنزور مين ونجيب مين هما يعنى صغيرين؟
هانقول ايه ونشارك بأيه
خليها عالله يافندى يابيه
مع الاولاد نلعب ده لقاء العيد
لازم الكل يبقى سعيد
نعمل لعبه ونقول نكته تفيدنا
وخلص الاجتماع ونروح بيتنا
هو ده لقا الاهل
معقوله ياناس كل ده جهل؟؟؟؟؟؟؟؟؟

***

مع بعضينا هنروح المعسكر
عايزينه حلو من غير مانفكر
ده فسحه جميله بعد الامتحانات
اوعى تقول خد فقرات
انا لابحب خد ولاهات
انا رايح اروق نفسى وافسح
لو خططنا عمره ماينجح
خليها عالله ياخويا يابيه
هانقاطع ونحضر طب على ايه
فى المعسكر اصحاب واحباب
المرافقه من الشباب للشباب
وماتسألنيش عالاسباب
احسن انا لسانى طويل
وعايز ابعد عن القال والقيل
علاقات علاقات مع الصداقات
كله بيتدى فى المعسكرات
ويبتدى شغل الموبيلات
شويه رسايل على مسدات
قصه حب حلوه جميله
تنشأ بين شمشون ودليله
قصدى بين عاطف ونبيله
تبدأ جوه معسكر حلو
ويساعد على كده حلاوه الجو
وولادنا معانا واحنا مرافقينهم
بس فى الخصوصيات مش عاوزينهم
ليهم اغنيه ولعبه وهوايه
اكتر من كده ملهمش حاجه معايا
ساعه لربك وساعه لقلبك
بس اوعى تشغل عقلك

***

ياجماعه نحكم مره ضميرنا
مين هايخدمه بس ده غيرنا؟
يلا نفوق ونقول م القلب
ان الخدمه ده ملك الرب
كل فعل وكل كلمه وكل نظره حب
هى هديه قلبك لقلب الرب
يلا نقول سوى ونعيد
كل لحظه حب ده عيد
وأقبلوا منى شعر بسيط
اصلى الشعر ده مش بالايد
افتكروا كلامى جايز يفيد
اوعى تكون بالفكر عنيد
تضحك وتقول حقيقى شعر ليه قيمه
وبعديها ترجع ريمه لعادتها القديمه
اوعوا حد يزعل منى
حقيقى الشعر ده غصب عنى
أ صلى حب ايمان ونور يخترقنى للنخاع
وهتفضل ايمان ونور فى دمى حتى النزاع
كفايه كده ونقول للكل سلام
وخلى جواكم المعانى اللى ورا الكلام
وسلالالالالالالالالالالالالالالالالالالالالالالالالالالالالالالالالام